سالـت علـي ّ ساخنـات المذاريـف... وأسدى إلى الوجنـات حـارق بكانـا

من لهفة المشتـاق لا عافـه  اوليـف...هطّـل مـن العبـرات سبـع وثمانـا

اسنين صـدّه مشححـات ٍ  معاجيـف...من عقب تسع اسنين راحـوا سمانـا!

لي صدّهم مسمار ما يْطيـع  تجليـف...وجّه لصـدري مـن ثخيـن الطعانـا

تسعى الرزايا مثل سعـي الزواحيـف...ما رادعتها ضربـة ٍ مـن  عصانـا!

كلْ شي ّ له في مرجع الحب  تعريـف...إلا الفـراق ايحيـر فـيـه البيـانـا!

أو شوق قلـب ٍ صـارف ٍ للتعاريـف...ما يوصفـه مليـون نطـق  ولسانـا!

مـا تفـرع النخلـة بليّـا سواعيـف... والقلـب مـا يرتـاح دون الحنـانـا

ما راق لي من هجرهم حضْر ٍ وْ ريف...وأوحـش علـي ّ مسكنـي  والمكانـا

يوم البدن و أشجـان قلبـي مناحيـف...ما لذ ّ لي مـن قـوت ساعـة غدانـا

هاذي الحيـاة ودايـرات المصاريـف.. مـن عقبهـا دارت علينـا رحـانـا!

واتفرقـت عـن ملتقاهـا  المواليـف ...وأمست تصارخ : وين غرشة دوانـا؟

يالله ياللـي منـك حسـن التلاطيـف ...حـال الهـوى يالله سـبّـب شقـانـا

يا صاحبي فيني الجراح اللـي ثخـان ومنازيـف مـن كـل ّ غايـر منّهـا احتـوانـا

الماي لي قـد مـدّ نافـورة  اجنيـف ...ياللـي مددتـه لا تعـسّـر  شفـانـا